Մարդահամար
Սրտիկն ինձ փոխանցեց Ուրիշի սկսած մարդահամարը , որի նպատակն է պատկերացում կազմել բլոգի մշտական ընթերցողների քանակի մասին։ Վերջին ժամանակներում շատ քիչ բլոգային գրառումներ եմ ֆեյսբուքում տարածում, իսկ այցելությունների վիճակագրությանն առանձնապես չեմ հետևում, ուստի ինձ էլ հետաքրքիր է, թե ովքեր են բլոգս ընթերցում։ Ու հատկապես հետաքրքիր է, թե արդյոք կան ինձ անծանոթ ընթերցողներ։ Դե ինչ, խնդրում եմ մեկնաբանություններում գրել, եթե բլոգս որոշակի պարբերականությամբ կարդում եք։ Շատ ուրախ կլինեմ, եթե նաև ասեք, թե ինչ տիպի գրառումներս եք սիրում կարդալ և թե ինչ թեմաների վերաբերյալ կուզեիք, որ գրեի։ Իսկ էստաֆետը փոխանցում եմ Մարիօյին . միգուցե քնից արթնանա։ Ծլնգին էլ մեծ հաճույքով կփոխանցեի, բայց ցավոք սրտի ինքն ավելի երկար ժամանակ առաջ է հեռացել։