Ջին ու ուրիշ ջին
- Գնամ ջին-տոնիկ վերցնեմ։ Դու բան կուզե՞ս։
- Բայց որոշել էինք չէ՝ էս անգամ իմ հաշվին ա։ Ես կբերեմ։
- Չէ, կներես։
- Բայց որոշել էինք չէ՝ էս անգամ իմ հաշվին ա։ Ես կբերեմ։
- Չէ, կներես։
- Խմելու ի՞նչ կա։
- Ջինը վերջանում ա, բայց տոնիկ դեռ կա։
- Դուք սատանիզմի համարժեքն ունե՞ք։ Էն որ եսիմ, Ալլահին հակառակ ա։
- Հա, օրինակ Մարոկկոն հայտնի ա սև մոգության համար։
Մարոկկո։ Մարոկկո՜։ Only lovers left alive, սիրուն Թիլդա, սիրուն Թոմ, սիրուն երկնագույն քաղաք։ Հենց սահմանները բացվեն, պետք ա Մարոկկո գնալ։
- Մի անգամ մեր բարեկամը պսիխոզի սիմպտոմներ ուներ, հատուկ էքզորցիստի կանչեցին։ Տնից թուղթ գտան, վառեցին, ասում են՝ անցավ։
- Մենք էլ դրանից ունենք, թուղթ ու գիր։
- Մեկ էլ սև մոգերը ջին են կանչում։
- Արի կանչենք, երեք երազանք կատարի։
- Չէ, քո ասածը ջինին ա, ջիները լրիվ ուրիշ, աստրալ հարթության մեջ ապրող ոգիներ են։ Ուրիշ տեսակ, մարդ չեն վտանգավոր են։
- Ոնց են կանչում, մոմեր են վառում, խմբով նստու՞մ։
- Jesus, no, Ղուրանը թարս բռնած կանգնում են հայելու առաջ ու սկսում են քֆրտել։
- Օքեյ, ոչ մի ջին իմ համար, ես հաստատ չեմ քֆրտի իսլամը։
- Արի ջին կանչենք, վսյո տակի։ Դու կքֆրտես, ես կնայեմ։
- Ասում են՝ ջինը կարա սիրահարվի իրեն կանչողին ու շատ օբսեսիվ լինի։ Չթողի ոչ մեկ մոտիկ գա, սաղ հարաբերությունները վարի տա։
- Լավ, համոզեցիր, ջիները տոքսիկ են, մեզ ջին պետք չի։
- Կարող ա ինձ պետք ա։ Չնայած՝ մարդ ես, կանչեմ, իմ փայ ջինը քեզ սիրահարվի։ Կատուս արդեն մենակ քեզ ա պրիզնատ գալիս։
Քայլում եմ տուն։ Հիշում եմ ապագան, արևն ու անապատը, որտեղ ոտք չեմ դրել։ Հիշում եմ իֆրիտին, որ տարավ զգացմունքներս ու սիրտս դարձրեց քար։
Comments
Post a Comment