Ռուբին խաղալիքների աշխարհում
Ռուբիին խաղալիքների խանութ տարա: Ռուբիի սիրած խանութների եռյակում խաղալիքների խանութը երկրորդ տեղում է՝ զիջելով միայն գրախանութին:
— Ինձ էս լեգոն կառնե՞ս:
— Թանկ ա:
— Հեչ էլ թանկ չի, ընդամենը 200 եվրո: Առ էլի, հլը նայի ինչքան շատ մասեր ունի, ինչ մեծ ամրոց ա: Խնդրու՜մ եմ։
— Ո՛չ։
— Նայի՜՝ ինչ եմ տեսել։ Դարթ Վեյդերն ա՝ ձեռքին կոնֆետի աման։ Սա դու էլ կհավանես, արի առնենք տանենք։
— Կարո՞ղ ա դու ուղղակի Դարթին չես ուզում։ Նայի՝ Յոդա էլ կա։ Ինչ պուպուշ Յոդա ա։
— Ասեցի չէ՛։
— Հլը՜ ինչ եմ գտել։ Սրան չես կարա «չէ» ասես։ Հալկի թաթիկները... Մեծ, կանաչ, փափուկ։
— Չեմ առնում ես քեզ Հալկի ձեռքեր։
— Իսկ Կապիտանի դիմակ ու վահա՞ն։ Հլը նայի, թե դիմակը քեզ ինչքան ա սազում։
— Ո՛չ։
— Իսկ Թորի մուրճը։
— Մի հատ փոքրն ունենք, դրանով խաղա։
— Ես մեծն եմ ուզում։
— Ասեցի՝ ո՛չ։
Տխուր աչքերով մի քիչ խանութն ա չափչփում, հետո՝ վազում։
— Մեխանիկական փիսի՜կ։ Գիտեմ, որ չես առնի, բայց հլը ինչ պուպուշն ա։
— Հա, շատ։
— Բայց փազլ կառնե՜՜ս։ Հաստատ կառնես։ Դա էլ հո մանկական չի, 2000 կտորից, հա՞։
— Ժամանակ չկա։
— Դե ուրեմն դինոզավրիկ-մարիոնետկաներ։ Ներկայացումներ կբեմադրենք։
— ...
— Ջեդայի թուրը բայց առնելու ես։ Կամ չէ՛, ճիշտը dark side-ն ա, այ էս մեծ կարմիրը։ Չէ՞, չէ՞...
— Վերջ արդեն գնացինք տուն։
Իսկ Ռուբին տխրել էր։
Կինդեր սյուրպրիզ առա, թող դրանով ուրախանա, մինչև որոշեմ իրեն ջեդայի թուր եմ առնելու, թե՞ լեգոներ։
— ...
— Ջեդայի թուրը բայց առնելու ես։ Կամ չէ՛, ճիշտը dark side-ն ա, այ էս մեծ կարմիրը։ Չէ՞, չէ՞...
— Վերջ արդեն գնացինք տուն։
Իսկ Ռուբին տխրել էր։
Տխուր Ռուբիները ոչ մի խաղալիք չստանալուց հետո |
Comments
Post a Comment